Namiq Qaraçuxurlu - Nura doğru mp3

Sözləri:
Kim xuda dərgahına, izzəti var ilə gedir,
Edib Allah adını dildə şüar ilə gedir.

Tanrı dərgahını seyr eləməyin vaxtı çatıb,
Bəndə dünya həvəsin, haqqa görə başdan atıb.
Bu ümid ilə gecəsin gündüzə həsrətlə qatıb,
İslam əhli düzülüb həccə qatar ilə gedir.

Bu müqəddəs yerə basmaqdan ötrü öz qədəmin,
Əhli iman diləyib ta görə haqqın kərəmin.
Geyib ehramı çıxıb dövrünə beytül hərəmin,
İki dünyaya sığışmaz iftixar ilə gedir.

Aşiq öz məşuquna sarı gedir qəlbi dolu,
Fərqinə varmaz onun təhlükədir sağı solu.
Əsli aşiq gözünə heçnə görünməz bu yolu ,
Eşqi canından içib, gözdə xumar ilə gedir.